फिल्ममा थुप्रै पटक बहादुर भूमिका निभाई सकेकी अभिनेत्री मौसमी मल्लले अब ती फर्मुला रियल लाईफमा पनि प्रयोग गर्न थालेकी छिन् । केही महिना अघि पावर बनाउन उनले आफ्नो नेतृत्वमा महिला चलचित्रकर्मी मंच गठन गरिन् जसको तारिफ फिल्म उद्योगमा सवैले गर्ने गरेका छन् ।

संस्था खोलेपछि उनले केही हप्ता अघि महिला सशक्तिकरणको बिषयमा एक दिने वर्कसप पनि राखिने जुन कार्यक्रमले उनको उचाई थप बढाई दिएको थियो । यसैक्रममा मौसमीले आफ्नो पावर शो गर्न शनिबार तिज विशेष कार्यक्रम आयोजना गरिन् । तीजका दिन सवै सेलिब्रेटी आ-आफ्नै परिवारमा रमाउने हुदा उनले शनिबारको मौकामा एक भब्य कार्यक्रममा आयोजना गर्दै  आफ्नो लिडिङ छमता देखाएकी हुन् ।