प्रदर्शनको मिती नजिकिंदै गर्दा फिल्म भिसा गर्ल युनिटले पब्लिसिटीलाई तिब्र पारेको छ । केहि दिन अगाडी सार्वजनिक गरिएको प्रोमोलाई रूचाईएको पाईएको छ भने अहिले एकै छिन बोलको गीत रिलिज गरिएको छ । र, यो गीतलाई पनि दर्शकले मन पराउने युनिटको बिश्वास छ ।
कालिप्रसाद बाँस्कोटाको संगीतमा सन्तोष लामाको स्वरमा सजिएको सो गीतमा ऋचा शर्मा, विनय श्रेष्ठ, कर्मा र रेमनदाश श्रेष्ठले अभिनय गरेका छन् भने रेनशा राईले सुन्दर ढंगले करियोग्राफी गरेकी छिन् । गीतलाई कालिप्रसाद बाँस्कोटा र सबिन 'एकतारे' ले रचना गरेका हुन् । सिजी इन्टरटेन्मेन्टको व्यानरमा निर्माण भएको सो फिल्मलाई प्रचण्डमान श्रेष्ठले निर्देशन गरेका हुन् भने फिल्मको कथा लेखन पनि उनैको हो ।
ऋचा शर्मा र विनय श्रेष्ठ सह-निर्माता रहेको प्रतिक्षित फिल्म भिसा गर्ल असोज १२ गते देशभर एकसाथ प्रदर्शनमा आउनेछ । हालको काठमाडौं परिवेशमा बस्ने युवाहरुको सपना र आकांक्षाको वरिपरी घुमेको बताईएको लाईट कमेडी फिल्म भिसा गर्लमा रीमा बिश्वकर्मा, सलोनी राजभण्डारी र मेनुका प्रधानको पनि मुख्य अभिनय रहेको छ । फिल्मलाई शिवराम श्रेष्ठले खिचेका हुन् ।
