झण्डै डेढ दशको विश्राम पछि निर्देशक राजेन्द्र शलभ फिल्म निर्देशनमा कमब्याक हुदैछन् ।
समकालिन एक मित्र जो थिएटर आर्टिष्ट हुन उनको लगानीमा उनले नयाँ फिल्म निर्देशन प्रक्रियालाई अगाडी बढाएका छन् । फिल्मीखबरसंगको कुराकानीमा शलभले चाढैनै निर्देशनमा कमब्याक हुने तयारीमा आफू लागि परिरहेको बताएका छन् । फिल्ममा लगानी गर्ने साथीको नाम तत्काल घोषणा नगर्ने भन्दै उनले भने 'थिएटरमा संगै काम गरेको मेरो साथीले लगानी गर्ने ईच्छा देखाएकाले म निर्देशनमा फर्किन लागेको हुँ ।'
कुन जनरको फिल्म बनाउने सोचाईमा हो भन्ने फिल्मीखबरको प्रश्नमा शलभले स्क्रिप्ट छनौट प्रक्रिया जारी रहेकाले जनरको टुङ्गो लागि नसकेको बताए । उनले भने 'स्क्रिप्ट छनौट कार्य भईरहेको छ र पनि हामी नयाँ स्क्रिप्टको खोजिमा छौ त्यसैले पहिला स्क्रिप्ट फाईनल हुनासाथ फ्लोरमा जान ठूलो कुरा भएन ।'
'बिजय पराजय', भाउजु, परिभाषा र 'भन्नै सकिन' निर्देशन गरेका शलभ अमेरिकी गरिन कार्ड त्यागी नेपालमै केहि गरु भन्ने सोचका साथ उनी सिजी ईन्टरटेन्मेन्टमा प्रबन्ध निर्देशकको रुपमा कार्यरत छन् ।
