आर्यन सिग्देललाई आरोप लाग्दै आएको छ कि उनी हरेक फिल्ममा एउटै गेटअप तथा एउटै स्टाईल अनि उस्तै अभिनय गर्दै आएका छन् । तर त्यहि आरोपलाई मेट्न धुँवा यो नशा फिल्ममा आर्यनलाई बिल्कुलै नयाँ गेटअप तथा भिन्न शैलीमा उतारीएको निर्माण युनिटको भनाई छ ।
भाद्र २२ गते रिलिज हुने भनिएको प्रतिक्षित फिल्म 'धुँवा यो नशा' मा आर्यन सिग्देल लागुपदार्थ दुर्व्यसनीको भुमिकामा देखिंदैछन् जुन कुरा फिल्मीखबरले सार्वजनिक गरेको प्रोमोमा देख्न सकिन्छ । फिल्ममा आर्यनलाई नायिका निशा अधिकारीले साथ दिएकी छिन् । सोसल ड्रामा शैलीको 'धुवाँ यो नशा' लाई रिजाल एण्ड रिजाल प्रोडक्सनको व्यानरमा राम प्रसाद रिजालले निर्माण गरेका हुन् भने निर्देशन लक्ष्मण रिजालले गरेका हुन् ।
