प्रि-प्रोडक्सनमा रहेको फिल्म 'कलिउड' मा नायिका प्रियंका कार्की आईटम गर्ल बन्ने भएकी छिन् । सोमबार युनिटले फिल्मको एक आईटम गीतका लागि प्रियंकालाई अनुबन्धित गरेको हो ।
केहि दिन अगाडी मात्र फिल्म सुटिङका लागि अमेरिकाबाट नेपाल आएका निर्देशक नवराज आचार्यले प्रियंकाको डान्स राम्रो भएका कारण आईटम गीतमा अनुबन्धित गरेको निर्माता कुमार खड्काले फिल्मीखबरलाई बताए । आगामी सोमबार फिल्मको मुहुर्त गरि केहि हप्ता वर्कशप गर्ने अनि मात्र सुटिङमा जाने निर्माता खड्का बताउँछन् ।
फिल्मका मुख्य नायक आर्यन सिग्देल केहि दिन अगाडी सोही फिल्मको लोकेशन हन्टिङका लागि कतार पुगेका थिए । कतारमा समेत सुटिङ गर्ने बताईएको सो फिल्मका अर्का कलाकार बिष्णु कार्की वर्कशपका लागि आज कतारबाट नेपाल आईपुग्नेछन् । नवराजले पहिलो पटक निर्देशन गर्न लागेको कलिउडमा आर्यन र बिष्णुको साथमा नम्रता श्रेष्ठ पनि मुख्य भुमिकामा रहनेछिन् ।
ब्रजेश खनालले तयार पारिरहेको सो फिल्मको कथा कलिउडमा हुने गरेका संघर्ष, प्राप्ति अनि त्यागका बिषयबस्तुमा केन्द्रित हुने बताईएको छ । फिल्ममा प्रदीप बाँस्तोलाको शब्द तथा संगीत रहनेछ ।
