प्रकृति अनि नारीसँग सम्बन्धित रहेर निर्माण गरिएको थ्रिलर फिल्म 'टाटा बाई बाई' को अफिसियल पोस्टर तथा प्रोमो सार्वजनिक गरिएको छ । बनिरहेका फिल्म भन्दा केहि फरक बिषयमा फिल्म निर्माण गरिएको बताईेको सो फिल्मको पोस्टर तथा प्रोमो पनि केहि फरक रूपमा 'ब्ल्याक एण्ड ह्वाईट' रङमा सार्वजनिक गरिएको छ ।
सिजापति सिने व्यानर र मौरी इन्टरटेन्मेन्टको व्यानरमा नरेश देब पन्त तथा रवि वहादुर सिजापतिको निर्माण अनि उदय सिजापतिको निर्देशन रहेको सो फिल्मलाई अक्टुबर महिना तिर रिलिज गर्ने योजना बनाईएको छ । फिल्मका कार्यकारी निर्माता नरेश देबका अनुसार अर्न्तराष्ट्रिय फिल्म फेस्टिभलमा फिल्मलाई लैजाने तयारी गरिएको छ । सुनिल थापा, झरना वज्राचार्य, दिया मास्के, उषा रजक र प्रशान्त ताम्राकारको मुख्य भुमिका रहेको सो फिल्मको बारेमा थप जानकारी केहि दिन पछि गरिने पत्रकार भेटघाट कार्यक्रममा दिईने निर्माता पन्तले फिल्मीखबरलाई बताए ।
