भाद्र २९ गतेका लागि रिलिज मिती तय गरिएको फिल्म 'फेसबुक' को गीत सार्वजनिक गरिएको छ । सिंगापुरमा छायाँकन गरिएको उक्त सार्वजनिक गीतमा नायिका झरना थापालाई नयाँ हिरो स्वतन्त्र प्रताप शाहले साथ दिएका छन् । सुनिल बर्देवाको संगीत रहेको सो गीतको करियोग्राफी कविराज गहतराजले गरेका हुन् भने संजय लामाले खिचेका हुन् ।
सुरज सुब्बा नाल्बोले निर्देशन गरेको उक्त फिल्मलाई सुनिल कुमार थापाले निर्माण गरेका हुन् । फिल्ममा झरना र स्वतन्त्रको साथमा राजेश हमाल, सुवास थापा, अनुराग मान सिंह कुवँर लगायतको अभिनय रहेको छ । सस्पेन्स थ्रील फिल्म फेसबुकको कथा सुरज सुब्बाले नै लेखेका हुन् । फिल्ममा दुई वटा मात्र गीत समावेश गरिएको छ । जसमध्येको एउटा गीतलाई यसअघि नै फिल्मीखबरले प्रिमियर गरिसकेको छ ।
