असाहाय बृद्ध महिलाहरुलाई निस्वार्थ सहयोग गर्दै आएकी समाज सेवी दिलशोभा श्रेष्ठलाई आर्थिक सहयोग गर्नेहरुको भिडमा रेजिना फिल्मस पनि देखा परेको छ । हिरोईन रेजिना उप्रेतीको ब्यानरमा निर्मित वरदानको निर्माता कविता श्रेष्ठले दिलशोभाले सञ्चालन गरेको बृद्ध अवस्था ब्यवस्थापन तथा समाजिक कल्याण गुठीको सहयोगार्थ बरदानको च्यारिटो शो गर्न लागेको जानकारी गराईन् ।
च्यारिटी शो श्रावण २५ गते साँझ सिटी सेन्टर स्थित विग सिनेमामा हुने छ । जहाँ फिल्मका प्रमुख कलाकार राजेश हमाल र करिश्मा मानन्धर प्रमुख आकर्षणको केन्द्र बन्ने छन् । टिकट दर एक हजार तोकिएको उक्त च्यारिटीबाट उठेको २५ प्रतिशत रकम दिलशोभाको गुठीलाई प्रदान गरिने निर्माता श्रेष्ठले जानकारी गराईन् । गत हप्ता निजगढका ब्यापारी माझ प्रदर्शन गरिएको सो फिल्म आउदो असोज महिनामा प्रदर्शन गरिने तयारी गरिएको छ ।
हिरोईन रेजिना उप्रेतीले पहिलो पटक निर्माण गरेको फिल्म भएकाले उनले आफ्नो फिल्मी करिअरमा जानेका सवै कुरा यो फिल्म निर्माणमा लगाएको बुझिएको छ तसर्थ पनि वरदान रेजिनाको फिल्मी करिअरको कोशेढुङ्गा हुने आंकलन पनि काटिएको छ ।
कान्तिपुर टेलिभिजनको दिशानिर्देश कार्यक्रममा दिल शोभासंग बिजय कुमारले लिएको ईन्टरभ्यू हेर्नुस !
