दश दिन अघि अघि गठन गरिएको स्क्रिप्ट अध्ययन समितिको बिषयमा चौतर्फी आलोचना खेपेको चलचित्र बिकास बोर्डले सो समिति आउदो साता भित्र स्वतः खारेज हुने जनाएको छ ।
साक्षात्कार कार्यक्रम विशेष त भनाभन कार्यक्रम जस्तै अघि बढेको थियो तर फिल्मीखबरसंग छुट्टै कुराकानी गर्दै बोर्ड अध्यक्ष भण्डारीले यो विवाद अब एक हप्ता भन्दा बढी नलम्बिने बताएका छन् । किन कि संचार मन्त्रालय मातहतको सेन्सर बोर्डका पदाधिकारीसंग सेन्सर आचारसहिता निर्माणको बिषयमा केही दिन यता वर्कआउट भईरहेको छ । जसमा निर्मातासंघबाट सुरेश दर्पण निर्देशक समाजबाट राजेन्द्र उप्रेती, चलचित्र संघबाट प्रदीप उदय रनकिम उद्दिन यसैगरि बिकास बोर्डबाट सदस्य सचिव गणेश ज्ञावाली र एक सदश्य तथा सेन्सर बोर्डबाट चेयरम्यान सुशिल ओझा र शाखा अधिकृत गोकुल खड्का रहेका छन् ।
सो टोलीले आचारसहिता जुन दिन निर्माण गरेर घोषणा गर्छ सोही दिन देखि स्क्रिप्ट अध्ययन समिति खारेज हुने भण्डारीले फिल्मीखबरसमक्ष रहस्य खोलेका हुन । यो बिषयमा केन्द्रित रहेर भण्डारीले भने 'यो विवाद अब आफै सेलाउछ किन कि कोड अफ कन्डट करिव पूरा हुने अवस्थामा छ तसर्थ सो कन्डक्ट लागु हुने वित्तिकै अध्ययन समितिको औचित्य स्वत : सकिन्छ ।' फिल्म निर्माण पूर्व स्क्रिप्ट बुझाउने नयाँ नियमले अधिकाश फिल्मकर्मी असन्तुष्ट थिए ।
