कानुन विपरित समाजमा हुने अपराधका घटनाहरूलाई मुख्य बिषय बनाएर निर्माण गरिएको फिल्म 'लूट कम्पनी' भाद्र महिनामा रिलिज गरिने बताईएको छ । निर्देशक सुरज चन्दले फिल्मको हाल राजधानीमा पोष्टप्रोडक्सनको काम भईरहेको फिल्मीखबरलाई बताए ।
अधिकांश नयाँ अनुहारलाई लिएर पहिलो पटक फिल्म निर्देशन गरेका सुरजले अनुहार नयाँ भए पनि काम एकदमै राम्रो गरेको बताए । उनले भने, 'हाम्रो अधिकांश सदस्य नयाँ छन् तर काम सोचे भन्दा राम्रो भएको छ ।' दिलकृष्ण श्रेष्ठ, प्रज्वल गिरी, सञ्जोग राना, निश्चल दाहाल, भुवन भुजेल, अलिया खतिवडा, दीपा थापा लगायतको अभिनय रहेको सो फिल्म श्रेष्ठ इन्टरनेशनल प्रालिको व्यानरमा बनेको हो ।
गणेश चौधरीको संगीत रहेको सो फिल्ममा निरज कडेंलको छायाँकन, शंकर महर्जनको द्धन्द, कविराज गहतराज र अजय स्याङ्देनको नृत्य तथा मिलन श्रेष्ठको सम्पादन रहेको छ । गत बर्षको ब्लकबस्टर फिल्म 'लूट' बाट आफूहरू प्रभावित भएर फिल्म नबनाएको निर्देशकले बताए । उनले भने, 'हामीले त्यो फिल्म रिलिज नहुँदै काम गर्ने तयारी गरिसकेका थियौं ।'
सुरज चन्द अभिनेत्री पुजा चन्दका पूर्व पति हुन ।
