सार्वजनिक क्षेत्रमा विशिष्ट योगदान पुर्याए वापत सरकारले गत बर्षको जेठ १५ गते २ सय ७० जना ब्यक्तिलाई मानपदवी, अलंकार र पदक प्रदान गर्ने गरी नाम सार्वजनिक गरेको थियो तर लोकन्तन्त्र र गणतन्त्र ल्याउन महत्वपूर्ण भूमिका खेलेका मह जोडीले निर्धारित समयमा दलहरुले संविधान जारी गर्न नसकेको प्रति दुखेसो ब्यक्त गर्दै सरकारले दिएको सम्मानले आफुहरुको बेईज्जत हुने भन्दै सम्मान ग्रहण नगरेका हुन् । यस्तै मह जोडी बाहेक कार्यबाहक प्रमुख निर्वाचन आयुक्त निलकण्ठ उप्रेती, बरिष्ठ पत्रकारद्धय कनकमणी दिक्षित र युवारज घिमिरे सहित ५१ जना अन्य ब्यक्तिले पनि सरकारले दिएको विभुषण बहिस्कार गरेका छन् ।

 

विभुषण प्रदान कार्यक्रम आज बिहान राष्ट्रपति कार्यालय सितल निवासमा गरिएको थियो जहाँ उपराष्ट्रपति, प्रधानमन्त्री, सभामुख ,प्रधानन्यायधिश सहित राजनीतिक क्षेत्रका  विशिष्ट ब्यक्तिहरुको उपस्थिति रहेको थियो ।