म्यूजिक भिडियो निर्देशन यात्राबाट विग स्क्रिनको फिल्म निर्देशनमा प्रदीप कस्पालको नाम पनि थपिने भएको छ । भुषण दाहालले कागबेनी बनाए पश्चात फिल्मी यात्रा रोके पनि उनका ठूला प्रशंसक तथा सहकर्मी कस्पालले फिल्मी यात्रालाई यो बर्षदेखि अगाडी बढाउने तयारी गरेका छन् ।
बाह्र बर्षे मिडिया फिल्डको अनुभवमा विगत तीन बर्ष देखि म्यूजिक भिडियो निर्देशनमा हात हालेका कस्पालले हाल सम्म एक सय वटा म्यूजिक भिडियोको सफल निर्देशन गरिसकेका छन् । 'म्यूजिक भिडियोमा पाएको सफलतासंगै फिल्म निर्देशन मेरो लागि ठूलो चुनौती हुने छ तसर्थ दह्रो होमवर्क गर्दै फिल्म निर्देशनमा डेब्यू गर्दैछु', उनले भने । ९ बर्ष कान्तिपुर टेलिभिजनमा हिट कार्यक्रम उत्पादन निर्माताको रुपमा परिचित, त्यसपश्चात हिमालय टेलिभिजन स्थापनामा ठूलो योगदान सहित एक बर्ष कार्यकारी निर्माता पद र हाल सम्पूर्ण मनोरजंन विद्यालाई समेटेर प्रसारणमा आएको टेलिभिजन इ-२४ मा प्रमुख कार्यकारी निर्माताको रुपमा कार्यरत उनी आउदो भदौ महिनाबाट फिल्म 'काब्या एण्ड कृष्ण' लिएर फ्लोरमा जादैछन् । ई-२४ पनि उनकै पहलमा न्यूज २४ संचालन गरेको नेपाल ब्रोडकाष्ट मिडियाले स्थापना गरेको च्यानल हो ।
'मेरो फिल्मको कथा बिसुद्ध साधारण लभस्टोरीमा आधारित हुने छ तर मेकिङ शैली अहिलेको अवस्थामा चलिरहेको भन्दा केही पृथक हुने छ', उनले भने । फिल्मका लागि काष्ट चयन भईसके पनि तत्काल सार्वजनिक नगर्ने बताए उनले बताए । 'नयाँ अनुहार भन्दा पनि चलेकै अनुहार फाईनल गरेको छु जसको सर्वाजनिक औपचारिक रुपमै हुने छ', उनले भने । काब्य एण्ड कृष्णको हाल स्क्रिप्ट र गित लेखन कार्य अन्तिम चरणमा पुगेको उनले जानकारी गराए ।
यस अघि म्यूजिक भिडियो निर्देशन यात्राबाट फिल्ममा जम्प गर्दा आलोक नेम्बाङ र प्रशन्न पौडेलले जसरी चर्चा पाएका छन् कस्पालले पनि फिल्ममा डेब्यू गर्दा प्रशंशा पाउन फिल्मीखबर यहि कामना गर्छ ।
