आफ्नो क्याम्पमा रहेका निर्देशक योगेश घिमिरेलाई पुनः दोहोर्याउँदै निर्माता प्रज्ञा जोशीले 'नोट बुक' फिल्म बनाउने तयारी गरेकी छिन् । कलाकार छनौटमा ब्यस्त रहेकी जोशीले सोमबार फिल्मको टाईटल जुराईएकी हुन् ।
निर्देशकको हातमा सवैकुरा छाडिदिने स्वभावकी प्रज्ञाले टाईटल कस्तो राख्ने भन्ने बिषयको जिम्मा पनि निर्देशकलाई नै दिएकी थिईन् जसअनुरूप एक महिने लामो सोच र खोज पश्चात योगेशले नोट बुक जुराएका हुन् । नोटबुक डायरीमा लेखिएको एक स्टोरीमा आधारित युवा केन्द्रित फिल्म हो । 'मेरो फिल्ममा सवै कलाकार नयाँ हुनेछन् र यो बिषयमा दुई दिन पछि गरिने प्रेस मिटमा सवै खोलिने छ', निर्देशक घिमिरेले जानकारी गराए ।
५० लाख बजेटमा बन्ने उक्त फिल्मको सुटिङ जेठ २७ गते देखि सुरू हुदैछ । सुटिङ काठमाण्डू र मोफसलका केही शहरमा पनि गरिने योगेशले जानकारी गराए । यस अघि सम्झना, सपुत र न विर्सें तिमीलाई नपाएँ तिमीलाई निर्माण गरेको प्रज्ञा फिल्मसले नोट बुकलाई उत्कृष्ट मेकिङका साथ दर्शक माझ लग्ने तयारी गरेको छ ।
