एउटा प्रोमोशनल गित खिच्ने काम बाहेक सुटिङ्गका अन्य सवै गतिविधि सक्दै प्ले गर्ल प्याकअप भएको छ । २७ दिन अघि ईलामबाट सुरु गरिएको सो फिल्मको अन्तिम सुटिङ्ग शुक्रबार काठमाण्डूको दरबारमार्गमा गरिएको थियो ।
'२७ दिनका दिन सकियो सुटिङ्ग अब एउटा प्रोमोशनल गित मात्र खिच्न बाँकी छ त्यो अलि पछि हुने छ', निर्देशक विजय विक्रम बस्नेतले भने । यसअघि कमेडी शैलीको नमस्ते र हात लाग्यो शुन्य निर्देशन गरेका उनको प्ले गर्ल फिमेल ओरेन्टेड फिल्म हो जहाँ पेशला कटुवाल लिड रोलमा छिन् ।
ईलामका समिर खड्काले पहिलो पटक निर्माण गरेको सो फिल्मको सुटिङ्ग ईलाम हुदै धरान सर्लाही र काठमाण्डूमा गरिएको छ । फिल्ममा विकास चौधरीको म्यूजिक समावेश छ भने नयाँ अनुहारमा यधुसन कुँवर कस्तुरी खरेल पनि लिड रोलमा छन् । फिल्म श्रावण महिनामा रिलिज गर्ने बताईएको छ ।
