गत सोमबार जनकपुरको रमानन्द चौकमा भएको बम विष्फोटमा ज्यान गुमाएकी अभिनेत्री रञ्जु झालाई सरकारले सहिद घोषणा गरेको छ । वर्तमान मन्त्रि परिषद विघटनको तयारी रहेका बेला आज बसेको क्याबिनेटको बैठकले रञ्जु सहित विष्फोटमा ज्यान गुमाएका अन्य तीन जनालाई पनि सहिद घोषणा गरेको हो ।
यस्तै सहिद घोषणा सहित सरकारले रञ्जुका परिवारलाई दश लाख दिने निर्णय पनि गरेको छ । कुशल अभिनेत्रीले परिचित रञ्जुले रिलिज हुन लागेको फिल्म हाईवेका निर्देशक दीपक रौनियारको अवार्ड जित्न सफल छोटो फिल्म 'चौकठ' सहित आधा दर्जन छोटा फिल्म र टेलिफिल्ममा अभिनय गरेकी थिईन् । अभिनय क्षमताबाट प्रभावित बनेका बरिष्ठ चलचित्रकर्मी निर शाहले उनको निधनको खबरले विछुप्त भएपछी कान्तिपुर दैनिकमा रञ्जु झा जिउँदै छिन् ! भन्ने आर्टिकल पनि छपाएका छन् ।
गुरुकुलकी चेली उनी ठूलो पर्दामा जम्ने सुरमा थिईन् । अल्पआयुमै उनको निधन भएपछी समग्र कला क्षेत्र एक पटक स्तब्ध बनेको छ ।
