क्यू अर्थात सिन्डीकेट प्रणालीमा रहेका ३० वटा फिल्म रिलिज सम्बन्धमा सोमबार चलचित्र संघको प्रदर्शन समिति र चलचित्र निर्माता संघ बीच सहमति भएको छ । सहमति अनुसार यस अघि राजधानी बाहिर रिलिज भैसकेका १२ वटा फिल्मलाई पुरानो र रिलिज नभएका १८ वटा फिल्मलाई नयाँको संज्ञा दिईएको छ ।
पूरानो अर्न्तगत नैना रेशम, माया त माया हो, भागी भागी नजाऊ, तिमि विनाको जिवन, सिन्दुर, महान, हिम्मत–२, भुल भए माफ गर, स्वाभिमान, भुल्नै सकिन र मार्यो नि मायाले मार्यो छन् । यस्तै नयाँ अर्न्तगत कवच, जिन्दगानी दर्पणछाँया, किन लाग्छ माया, नयाँ नेपाल एक्सप्रेस, नमस्ते, ईशारा, संसार आफ्नै, खग्रास, आफ्नै मनलाई सोधि हेर, मिलाप, मानव, चन्द्रावती, पल्टन, लभ ईन चाईना बोर्डर, किसान, पहिलो माया हो मेरो, हो यहि माया हो र लभस्टोरी २०६६ छन् ।
क्यू विवाद समाधानको बिषयमा सोमबार भएको बार्ताबाट ८ सदस्यिय कार्यदल समेत गठन गरिएको छ । कार्यदलले ३० फिल्म कसरी लगाउने भन्ने बिषयमाथि निर्णयको अधिकार पाउने छ । यस्तै बैठकमा क्यूका पुराना फिल्मले रिलिजको पहिलो ओपनिङ अत्याधिक कमजोर गरे त्यो ठाँउमा नयाँ फिल्म रिलिज गर्ने सहमति भएको छ । सहमति अनुरूप १२ पुरानो र १८ नयाँ गरी पालै पालो क्यू अर्न्तगतका हलबाट फिल्म प्रदर्शन गरिने छ ।
