यस अघिका प्रोजेक्टमा रेखा फिल्मसका गीतसंगीत जसरी चर्चामा आउथे सोही अनुरूप रिलिजको मुखमा आईसकेको रावणको गीतले पनि चर्चा पाईरहेको छ । कमलकृष्णको डेब्यू निर्देशन रहेको 'रावण' को 'हात्ति घोडा हैन माया चाहियो...' बोलको गीत अझ बिशेष चर्चामा छ ।
कमलकृष्णकै संगीत र मीन थापाको शब्द रहेको सो गीतमा डेब्यू गर्दै राकेश खालिङ र मनिषा पोखरेलले स्वर दिएका छन् । शंकर बिसीको करियोग्राफी रहेको गीतमा रेखा थापासँग नायकको रूपमा डेब्यू किशोर खतिवडाले अनस्क्रिन रोमान्स गरेका छन् । यहि गीतलाई नै निर्माण युनिटले पब्लिसिटीको मेन डोज बनाएको छ ।
छबि राज ओझाले निर्माण गरेको 'रावण' यहि चैत्र २७ गतेदेखि मोफसलका हलमा र बैशाख १ गते देखि राजधानीका सिनेमा हलमा प्रदर्शन हुँदैछ । रेखा फिल्म्सले यसअघिका फिल्म जस्तै यो पनि सफल हुने बिश्वास लिएको छ । निर्माण युनिटको यो बिश्वासले कत्तिको साथ पाउने हो त्यो त एक साता पछि थाहा हुनेछ अहिले भने हामी 'रावण' का पब्लिसिटी डोजहरू प्रस्तुत गर्दैछौं ।
