राजधानीको मुटु जमलमा रहेको बिश्व ज्योती सिनेमा भवनले क्यू सिस्टम तोड्दै चलचित्र 'माई लाईफ' चलाए पछि निर्माता संघले हल बन्द गराएको छ ।
क्यू सिस्टमबाट 'रक्षक' चलचित्र चलिरहेको र सो चलचित्रको होल्डओभर पुगेको अवस्थामा हलले क्यू बाहिरको नयाँ फिल्म 'माई लाईफ' रिलिज गरेपछि संघले अहिले कुनै पनि शो चल्न दिएको छैन । अहिले हलमा संघका अध्यक्ष राजकुमार राई, सचिव सुरेश दर्पण पोखरेल सहितका सदस्यहरू उपस्थित छन् ।
नियम विपरित फिल्म चलाएकोले हल बन्द गरिएको संघका सचिव पोखरेलले फिल्मीखबरलाई जानकारी गराए । यता हल सञ्चालकले सुरक्षाका लागि हल परिसरमा प्रहरी खटाएको छ ।
घटनाको बारेमा थप विवरण केहि बेरमा अपडेट गर्नेछौं । फिल्मीखबर हेर्दै गर्नुहोला !
