६ बर्षे बालक शिर्षक सापकोटा जसको अभिनय तीन दशक अनुभव बोकेका भुवन केसीको भन्दा कुनै कम थिएन । त्यसैले होला तीन सय साथीहरूले एक साथ फिल्म हेर्दै गर्दा शिर्षकले ती सवै साथीलाई रूवाईदिए ।
रिलिज भएको दुई साता पश्चात आजबाट विभिन्न हलबाट उत्रिएको 'साथी म तिम्रो' को मुख्य नायक शिर्षकले शुक्रबारको अन्तिम शो हेर्न बिहानको समयमा आफ्नो स्कूलको साथीहरूलाई विश्वज्योति हलमा भेला गराएका थिए । दुई घण्टा सम्म उनका साथीहरूले हुटिङ र तालीको पर्राले फिल्म भित्रको अनमोल शिर्षकलाई समेत हौसला दिन पछि पर्दैन थिए ।
जोरपाटीमा रहेको राई स्कूलमा कक्षा एकमा पढ्ने शिर्षक अनि आफनो छिमेकी जो क्लाशाको बेष्ट फ्रेण्ड रौनक पाख्रिनसंगै बसेर उनले पुरै फिल्म हेर । जुन फिल्म हेर्दा शिर्षक आफू त रोएका थिएनन् तर कक्षा एक देखि ८ सम्मका विद्यार्थीले फिल्म भित्र पिडित शिर्षक देख्दा आँखाबाट आँसु नझार्ने कोही थिएनन् । शिर्षकको साथमा उनको मम्मी र संगीतकार बाबा चेतन सापकोटा तथा स्कूलका टिचरहरू पनि सिनेमा हलको परिसरमा थिए जुन माहोलमा छोराको आमा बुबा भन्दा एउटा स्टारको बाबु आमाले उनीहरू परिचित भएका थिए ।
भुवन केसीले निर्माण गरेको 'साथी म तिम्रो' मा निर्देशकीय पक्षले धेरै ठाँउमा असन्तुष्टी झल्किए पनि शिर्षकको अभिनय जिवन्त भैदिदा उनको अभिनयको अगाडी रेखा थापा र भुवन केसीको अभिनय पनि ओझेलमा परेको झल्किन्थ्यो । यध्यपी सिनेमामा भुवन र शिर्षकको माया, प्रेम र विछोडले दर्शकको मन तान्न सफल भैदिदा उपस्थित तीन सय विद्यार्थीको आँखा सायदैको रूझेको थिएन ।
फिल्म भित्र शिर्षक ट्वाईलेटमा सुतेको दृश्य, भोकै बस्नु परेको सिक्वेन्स तथा मम्मी बाबाको मिलन विछोडले भोग्नु परेको पिडाले उनका साथीहरूको आँसु झरेको थियो ।
