नेपाली चलचित्रमा संकट लाग्ने स्थिति हुँदाहुँदै एकाएक उत्कृस्ट चलचित्रहरु प्रदर्शनमा आउन थालेका छन् । जुन कुरा सम्पूर्ण चलचित्र उधोग, यसमा कार्यरत सम्बन्धित व्यक्ति र दर्शकका लागि खुसीको कुरा पनि हो ।

राम्रा चलचित्रको भिडमा शुक्रबारबाट प्रदर्शनमा आएको 'मिस यू' पनि परेको छ । यो चलचित्र अहिले मुलुकभर ४७ वटा हलमा प्रदर्शन भैरहेको छ । चलचित्रले पहिलो र दोस्रो दिन उत्साहजनक व्यापार गरेको रिपोर्टहरू प्राप्त भएको छ । कलेक्सन रिपोर्ट अहिलेसम्म आईनसके पनि पूर्वाञ्चलका निलकण्ठ चित्र मन्दिर दमक, हिमालय टाकिज बिराटनगर, सुकुना चित्र मन्दिर विराटचोक, किरण चित्र मन्दिर झुम्का, भुषण टाँकिज बाँसबारीमा यो चलचित्र सफलताका साथ प्रदर्शन भईरहेको छ ।

यी हलहरु मध्ये पनि निलकण्ठ चित्र मन्दिर दमक र हिमालय टाकिज बिराटनगरमा उत्साह जनक व्यापार गरेको बताउँछन् मिस यूका पूर्वाञ्चल वितरक सन्जु पराजुली । साथै उनले चाडै नै धरान, उर्लाबारी र बिर्तामोडमा मिस यू प्रदर्शनमा आउने बताए । एकै दिन प्रदर्शनमा आएको चलचित्र मायाको बारीमा र गत माघ २७ गते आएको चलचित्र आई एम सरीसँग मिस यू जुधिरहेको छ । अब हेर्न बाकी छ यो तीन चलचित्र मध्ये कुन चाहि दर्शकको मनमा बस्ने छ ।

नम्रता श्रेष्ठ कम्ब्याक भएको चलचित्र मिस यू हेर्न अधिकांस युवायुबतीहरुको भिड लागेको छ । एउटा फरक धारमा बनेको चलचित्र मिस यूमा तीन साथीहरूको मित्रतालाई देखाएकोले पनि युवाहरूको रोजाईमा यो चलचित्र परेको आजको दर्शक भिडले देखाएको छ । पूर्वमा मात्र हैन राजधानीका मल्टिप्लेक्स हलहरू पनि आज दिन भरी  खचाखच भएको रिपोर्ट फिल्मीखबरलाई प्राप्त भएको छ ।

विग सिनेमाले पनि शो थप्यो