नेपाली चलचित्रकी चर्चित नायिका रेखा थापा दमकमा आयोजित आदीबासी जनजाती सांस्कृतिक महोत्सवमा सहभागी भएर दर्शकलाई निकै मनोरञ्जन प्रदान गरिन् । रेखा थापा आउने भनेपछि महोत्सवमा दर्शकको घुइचो उर्लेको थियो ।
रेखालाई हेर्न निकै नै आतुर देखिने दर्शकले उनलाई हेर्न निकै नै पर्खनु पर्यो । कारण २ नै दमक आएकी रेखा बेलुका ४ बजे मात्र दर्शकको आगाडी देखा पर्दा उनलाई हेर्न दर्शक निकै आतुर भएका थिए । रेखाको प्रस्तुती हेर्न निकै नै आतुर रहेका दर्शकहरु अन्तमा उनी मंचमा आउदा पनि निरास हुनु पर्यो उनले मन्चमा आएर दर्शकलाई हाइ हेल्लो त गरिन् तर उनले कुनै पनि प्रस्तुती देखाईनन् । उनले त्यो समयमा प्रस्तुती भन्दा पनि आफ्नो प्रदर्शनको तयारीमा रहेको चलचित्र रावणको बारेमा चर्चा गरिन् । बिदेशी चलचित्र भन्दा नेपाली चलचित्रलाई माया गर्नुस भन्दै उनले महोत्सबमा स्थानीय नृत्य गर्ने कलाकारलाई नेपाली गीतहरुमा मात्र नृत्य गर्दिन आग्रह गरिन् ।
महोत्सबमा रेखाको प्रस्तुती हेर्न झापा, मोरंगबाट हजारौको संख्यामा दर्शकहरु आएका थिए । दर्शकहरुको अत्यधिक चापका कारण आयोजकले निर्धारित समय भन्दा अगाडी नै मन्चमा रेखालाई उपस्थित गराएको थियो । जारी महोत्सबमा सबै भन्दा धेरै आम दर्शक आएको सोहि दिन परेकोले रेखालाई सुरक्षा दिन सुरक्षाकर्मीलाई निकै गार्हो परेको थियो ।
रेखा महोत्सबको कार्यक्रम सकेर सिधै दमकमा रहेको पाथिभारा एफ.एम. मा अर्न्तवार्ता दिन पुगेकी थिईन् । रेखाको अर्न्तवार्ता सुनेपछि एफएमको गेटमा उनका फ्यानहरूको घुईंचो लागेको थियो । रेखा आज निजि निवास मोरंगको सलकपुरमा बसेर भोलि काठमाडौँ फर्कने कार्यक्रम छ ।
