अहिले चौतर्फी तारिफ पाईरहेको र व्यापार पनि सोचे भन्दा राम्रो भईरहेको चलचित्र 'लूट' को पोस्टर सुन्धारा स्थित क्यू एफएक्स सेन्ट्रोल हलमा नराखिंदा सो हलमाथी प्रश्न चिन्ह खडा भएको छ ।
हुनत नेपाली चलचित्र भन्दा बढि हिन्दी र अंग्रेजी चलचित्र चल्ने उक्त हलमा लूटको व्यापारबाट सन्तुष्ट हुने अवस्था छ तर पनि तीन सातासम्म दर्शकको ओईरो लागेको सो हलको अग्रभागमा 'लूट' को पोस्टर एकदिन पनि नराखिंदा प्रश्न उठ्नु स्वाभाविक नै हो । 'लूट' रिलिज भएका दिन देखि एक दिन पनि हलको अग्रभागमा सो चलचित्रको पोस्टर देख्न पाईएन । यदि पोस्टर राखेको भए अझै दर्शक आउन सक्थेकी भन्ने हाम्रो मान्यता हो ।
फिल्मीखबरलाई प्राप्त जानकारी अनुसार अहिले पनि 'लूट' ले मल्टिप्लेक्सहरूमा धूम मच्चाई रहेको छ । शुक्रबार रिलिज भएका तीन चलचित्रको कलेक्सन भन्दा धेरै माथि 'लूट' ले कलेक्सन गरेको हल सञ्चालक बताउँछन् ।
