आइतवार देशभरका स्थानमा भुकम्प जाँदा सारा देश नै त्रसित भएको छ । कयौं मानिसले ज्यान गुमाए भने कति घाईते भए । यहि क्रममा नेपाली चलचित्रकर्मीहरू पनि भागाभागको स्थितीमा पुगे । भागाभागाको क्रममा निर्देशक तथा नायक आकाश अधिकारी घाईते समेत भए ।
आइतवार बिहान देशका चलचित्रकर्मीले राष्ट्रिय चलचित्र दिवस मनाउने क्रममा प्रभातफेरी गरे । त्यसपछि साँझ बसन्तपुर डबलीमा दिपावली समेत गरेर भव्य रूपमा चलचित्र दिवस पनि मनाए । तर यो चलचित्र दिवस मनाउने क्रममा भुकम्प गएपछि चलचित्रकर्मीहरूको होस नै उड्यो । साँझ करिब साढे ६ बजे तिर बसन्तपुरमा दिवापली गर्न भेला भएका चलचित्रकर्मीहरू दिपावली गर्ने बित्तिकै भागाभागको अवस्थामा पुगेका हुन् । दिवापली गर्न चलचित्र विकास बोर्डका अध्यक्ष गणेश भण्डारी सहितका करिब एक सय चलचित्रकर्मी बसन्तपुरमा भेला भएका थिए ।
दिवापली गरेपछि पानी पर्दा बसन्तपुरको मन्दिर मुनि ओत लागेर बसेका चलचित्रकर्मीहरू भुकम्प आएपछि भागाभाग गरेका थिए । सोही भागाभाग गर्ने क्रममा निर्देशक आकाश अधिकारीको घुँडाको जोर्नीमा एक व्यक्तिले टेकेर गएपछि उनको खुट्टा फ्याक्चर भएको हो । भुकम्प आएपछि पानीमा भिज्दै चलचित्रकर्मी भागाभाग गरे भने केहि व्यक्तिले आकाशको खुट्टा समातेर बसे । केहि बेर प्राथमिक उपचार गरेपछि आकाशले आराम मिलेको बताएपछि उनी गाडी चढेर घर गएका थिए । उनले अब केहि दिन बेड रेस्ट गर्नुपर्ने भएको छ ।
यसरी भुकम्प आएपछि चलचित्रकर्मीहरू अझै डराई रहेका छन् । कतिले त फेसबुकमा भुकम्प गएको कुरा स्टाटसमा लेख्सै भाग्यले बाँचिएको कुरा उल्लेख गरेका छन् । साथै फेरि पनि भुकम्प आउन सक्ने भएकाले सबैलाई होसियार हुन आग्रह समेत गरेका छन् । चर्चित कलाकार हरिबंशले आफ्नो फेसबुक स्टाटसमा यस्तो कुरा उल्लेख गरेका छन् '
