रमेश जंग रायमाझीको निर्माणमा भद्र भुजेलले निर्देशन गरेको चलचित्र 'मलाई मन पर्‍यो' को डबिङ आजबाट शुरू भएको छ । राजधानीको घट्टेकुलो स्थित एभिज स्टुडियोमा भएको सो चलचित्रको डबिङको शुरूवात नायक जीवन लुईटेलले गरे ।

हिमालयन फिल्म्सको व्यानरमा निर्माण भएको सो चलचित्रमा जीवन लुईटेल, राजबल्लभ कोईराला, निरूता सिंह, मिथिला शर्मा, सुष्मा कार्की, विजय देउजाको साथमा बालकलाकार साल्भिका रायमाझी र रुजन फुँयालको अभिनय रहेको छ । चलचित्रको कथा बिकाश आचार्यले लेखेका हुन् ।

शम्भुजित बाँस्कोटाको संगीत रहेको चलचित्र 'मलाई मन पर्‍यो' मा शम्भु सापकोटाको छायाँकन, हिमाल केसीको द्धन्द्ध, बसन्त श्रेष्ठ, कविराज र शंकर बिसीको नृत्यनिर्देशन रहेको छ ।