मंगलबार बिहान ११ बजे बालाजु स्थित जनमैत्री अस्पतालमा निधन भएका स्वर्गिय गोपाल भुटानीलाई उनका चेला तथा द्वन्दनिर्देशक राजेन्द्र खड्गीले दागबत्ती दिने भएका छ ।
स्वर्गिय भुटानीका आफन्त कोही नभएकोले उनको पार्थिव शरिरमा चेला खड्गीले दागबत्ती दिने भएका हुन् । स्वर्गीय भुटानीले द्वन्दनिर्देशक खड्गीलाई आफ्नो छोरा मान्दै आएका थिए । अहिले भुटानीको शवलाई स्वयम्भू स्थित तामाङ चिहानमा लगिएको छ । त्यहाँ करिब एक घण्टा श्रद्वान्जली दिने कार्यक्रम रहेको छ ।
स्वयम्भू स्थित तामाङ चिहानमा भुटानीको तामाङ बिधिबिधान अनुसार अन्त्यष्टी गरिने भएको छ । उनको बास्तविक नाम गोपाल तामाङ रहेकोले उनलाई तामाङ बिधिबिधान अनुसार अन्त्यष्टी गरिन लागेको बताईएको छ । अहिले भुटानीलाई अन्तिम श्रद्वान्जली दिन चलचित्रकर्मी र सञ्चारकर्मीको बाक्लो उपस्थिती रहेको छ ।
