कृशन फिल्म्सको ब्यानरमा निर्माण भएको फिल्म ‘लोकन्ती’को ट्रेलर सार्वजनिक गरिएको छ । यही मंसिर २६ गतेबाट प्रदर्शन हुने फिल्मको सार्वजनिक २ मिनेट ३० सेकेन्ड लामो ट्रेलरमा कमेडी र पारिवारिक कथालाई उठान गरिएको छ ।
रञ्जित रानाको निर्देशनमा बनेको फिल्मको कथा काजी लिम्बूले लेखेका हुन् । यसमा एसराज गराच (सुरज), ऋचा थापा, विमला लिम्बू, कुमार न्यौपाने, विकास अधिकारी, दमन रुपाखेती लगायतको अभिनय रहेको छ ।
सन्तोष न्यौपाने निर्माता रहेको फिल्ममा विकास चौधरीको संगीत, रोनिश तामाङ च्याङ्बाको छायांकन तथा गौतमराज खड्काको सम्पादन छ । नेपाली संस्कृतिमा आधारित ‘लोकन्ती’ले दर्शकलाई नयाँ स्वाद दिने अपेक्षा गरिएको छ ।
