आगामी साउन ६ गते अमेरिकामा आयोजना हुन लागेको नेफ्टा अवार्डको ११औं संस्करणको मनोनयन सार्वजनिक गरिएको छ । आइतबार काठमाडौंको सोल्टीमोडस्थित होटल सोल्टीमा आयोजित एक समारोहका बीच उपराष्ट्रपति रामसहायप्रसाद यादवले २५ विधामा मनोनितलाई प्रमाणपत्र वितरण गरे । फिल्म ‘छक्का पञ्जा ४’ सर्वाधिक १५ विधामा मनोनयनमा परेको छ ।

उत्कृष्ट फिल्मको विधामा ‘छक्का पञ्जा ४’सँगै ‘कबड्डी ४’ र ‘ऐना झ्यालको पुतली’, ‘द सेक्रेट्स अफ राधा’ र ‘चिसो मान्छे’ प्रतिस्पर्धामा छन् । त्यस्तै, उत्कृष्ट अभिनेतातर्फ विपिन कार्की, दयाहाङ राई, दीपकराज गिरी, अनमोल केसी र प्रदीप खड्का मनोनयनमा पर्दा उत्कृष्ट अभिनेत्रीको विधामा अरुणा कार्की, स्वस्तिमा खड्का, मेनुका प्रधान, सृष्टि श्रेष्ठ र मिरुना मगरबीच प्रतिस्पर्धा हुँदैछ ।

कार्यक्रममा उपराष्ट्रपति यादवले गणतन्त्रपछि नेपाली फिल्मले संसारभर फैलने अवसर पाएको उल्लेख गर्दै धर्मनिरपेक्षा, संघीयता र समावेशिताजस्ता संवैधानिक व्यवस्थाको प्रवद्र्धनमा फिल्मको योगदान रहेको चर्चा गरे । नेपाली फिल्मको बजार र दृश्यभाषाको गुणस्तरमा विकास भैरहेको बताउँदै उनले नेपाली फिल्मलाई अझै अन्तर्राष्ट्रियकरण गर्न अवार्डको भूमिका महत्वपूर्ण हुने बताए ।

उत्कृष्ट ५ मनोनयन सार्वजनिक कार्यक्रममा चलचित्र विकास बोर्डका अध्यक्ष भुवन केसी, वरिष्ठ फिल्मकर्मीहरु नीर शाह, मदनकृष्ण श्रेष्ठ, बसुन्धरा भुषालसहित फिल्म र संगीतकर्मीहरुको उपस्थिति रहेको थियो । फेम नेपाल, युएस खबर, आर्यन फिल्म्सले अमेरिकी संस्करणको अवार्ड गर्न लागेका हुन् । अवार्डमा सहभागी हुन नेपालबाट ३० भन्दा बढी फिल्मकर्मी अमेरिका जानेछन् ।

उत्कृष्ट ५ मनोनयन सूचि यस्तो छ :-

सर्वश्रेष्ठ फिल्म

कबड्डी ४
छक्कापञ्जा ४
ऐना झ्यालको पुतली
द सेक्रेट्स अफ राधा
चिसो मान्छे

सर्वश्रेष्ठ निर्देशक

रामबाबु गुरुङ – कबड्डी ४
हेमराज बीसी – छक्कापञ्जा ४
सुवर्ण थापा – द सेक्रेट्स अफ राधा
दीपेन्द्र के खनाल – चिसो मान्छे
ज्ञानेन्द्र देउजा – झिंगेदाउ

सर्वश्रेष्ठ अभिनेता

विपिन कार्की – फूलबारी
दयाहाङ राई – कबड्डी ४
दीपकराज गिरी – छक्कापञ्जा ४
अनमोल केसी – ए मेरो हजुर ४
प्रदीप खड्का – प्रकाश

सर्वश्रेष्ठ अभिनेत्री

अरुणा कार्की – फूलबारी
स्वस्तिमा खड्का – चिसो मान्छे
मेनुका प्रधान – पानीफोटो
सृष्टि श्रेष्ठ – द सेक्रेट्स अफ राधा
मिरुना मगर – कबड्डी ४

सर्वश्रेष्ठ सहायक अभिनेता

रवि गिरी – ए मेरो हजुर ४
खगेन्द्र लामिछाने – द सेक्रेट्स अफ राधा
केदार घिमिरे – छक्कापञ्जा ४
सौगात मल्ल – कबडडी ४
दयाहाङ राई – फूलबारी

सर्वश्रेष्ठ सहायक अभिनेत्री

दीया मास्के – प्रकाश
हिउँवाला गौतम – झिंगेदाउ
सिरु विष्ट – ऐना झ्यालको पुतली
लक्ष्मी बर्देवा – प्रेमगीत ३
दीपाश्री निरौला – छक्कापञ्जा ४

सर्वश्रेष्ठ डेब्यू अभिनेता

सुशिल खड्का – नालापानी
कुशल विष्ट – झिंगेदाउ
निशान चौहान – डेसान
दिनेश खत्री – ऐना झ्यालको पुतली
राइडर प्रसन – प्रेमगञ्ज

सर्वश्रेष्ठ डेब्यू अभिनेत्री

कृष्टिना गुरुङ – प्रेमगीत ३
कञ्चन चिमरिया – ऐना झ्यालको पुतली
रक्षा बुढाथोकी – लाखे
सुप्रिया खनाल – प्रेमगञ्ज
गौमाया गुरुङ – कबड्डी ४

सर्वश्रेष्ठ रङ संयोजन

रजन राना – द सेक्रेट्स अफ राधा
राजेन्द्र मोक्तान – ऐना झ्यालको पुतली
राजेन्द्र मोक्तान – ए मेरो हजुर ४
कपिल पराजुली – छक्का पन्जा ४
अर्जुन कार्की – कबड्डी ४

सर्वश्रेष्ठ छायाँकार

नरेन्द्र मैनाली – छक्कापञ्जा ४
सञ्जय लामा – ए मेरो हजुर ४
अमर महर्जन – ऐना झ्यालको पुतली
राजेश श्रेष्ठ – प्रकाश
नरेन्द्र मैनाली – द सेक्रेट्स अफ राधा

सर्वश्रेष्ठ सम्पादन

विपिन मल्ल – नालापानी
किरण श्रेष्ठ – ऐना झ्यालको पुतली
निमेष श्रेष्ठ – द सेक्रेट्स अफ राधा
निमेष श्रेष्ठ – छक्कापञ्जा ४
निमेष श्रेष्ठ – कबड्डी ४

सर्वश्रेष्ठ पटकथा

सुजित बिडारी – ऐना झ्यालको पुतली
सुवर्ण थापा – द सेक्रेट्स अफ राधा
रिमेश अधिकारी/कृष्ण आचार्य – नालापानी
रामबाबु गुरुङ/उपेन्द्र सुब्बा – कबड्डी ४
उपेन्द्र सुब्बा – फूलबारी

सर्वश्रेष्ठ पार्श्व ध्वनि

शैलेश श्रेष्ठ – ए मेरो हजुर ४
संगम पन्त – ऐना झ्यालको पुतली
सुजिल कर्माचार्य – छक्कापञ्जा ४
रोहित शाक्य/शैलेश श्रेष्ठ – छक्कापञ्जा ४
रोहित शाक्य/शैलेश श्रेष्ठ – फूलबारी

सर्वश्रेष्ठ ध्वनि मिश्रण

उत्तम न्यौपाने – फूलबारी
सुनयमान श्रेष्ठ – छक्कापञ्जा ४
अमित श्रेष्ठ – ए मेरो हजुर ४
उत्तम न्यौपाने – लाखे
अमित श्रेष्ठ – मन्त्र

सर्वश्रेष्ठ द्वन्द्व निर्देशक

रोशन श्रेष्ठ – नालापानी
रोशन श्रेष्ठ – झिंगेदाउ
हिमाल केसी – प्रेमगीत ३
सम्राट बस्नेत – लाखे
एनबी महर्जन/कुमार महर्जन – सोल अफ द कमाण्डो

सर्वश्रेष्ठ कला निर्देशक

आशिका शर्मा – प्रकाश
काला संग्रौला – ऐना झ्यालको पुतली
विनोद कडायत – प्रेमगीत ३
कृष्ण राई/उद्धवराज भट्टराई – नालापानी
पासाङ टी शर्मा – मन्त्र

सर्वश्रेष्ठ वेशभूषा

सुजनरत्न परियार – द सेक्रेट्स अफ राधा
विनिता कडायत – चिसो मान्छे
जानकी कडायत – ऐना झ्यालको पुतली
कमलप्रसाद मिश्र – नालापानी
सुनिता श्रेष्ठ – छक्कापञ्जा ४

सर्वश्रेष्ठ श्रृंगार र हेयर

शमशेर लामा/झरना राई – द सेक्रेट अफ राधा
शमशेर लामा – चिसो मान्छे
रवि केसी/निशा लामा – नालापानी
मनोज तामाङ/काव्या थापा – ए मेरो हजुर ४
श्रद्धा मास्के/सरस्वती श्रेष्ठ – छक्कापञ्जा ४

सर्वश्रेष्ठ नवनिर्देशक

सुजित बिडारी – ऐना झ्यालको पुतली
खगेन्द्र लामिछाने – पानीफोटो
शिवहरि पौडेल – लक्काजवान
परिच्छेद सेन – प्रेमगञ्ज
रिमेश अधिकारी – नालापानी

सर्वश्रेष्ठ भीएफएक्स

अच्युत गजुरेल – नालापानी
गड रेज पिक्चर्स – प्रेमगीत ३
द पिक स्टुडियो – झिंगेदाउ
समिर मिया – प्रेमगञ्ज
सत्यम राना/अच्युत बजगाईं – ए मेरो हजुर ४

सर्वश्रेष्ठ गीतकार

आमाको मन – प्रमोद ढुंगाना (झिंगेदाउ)
फेरी भेट होला नहोला- कृष्णहरि बराल (प्रेमगञ्ज)
आज युद्ध शिरमा छ – सुजिल कर्माचार्य (नालापानी)
सिरुपाते जुँगामा – शंकर अधिकारी घायल (छक्कापञ्जा ४)
उड उड चरी उड – कालीप्रसाद बाँस्कोटा (फूलबारी)

सर्वश्रेष्ठ संगीतकार

उड उड चरी उड – कालीप्रसाद बाँस्कोटा/अनुपम शर्मा (फूलबारी)
आँखामा सपना केसरी – एसडी योगी (कबड्डी ४)
सिरुपाते जुंगामा – बबुल गिरी (छक्कापञ्जा ४)
फेरि भेट होेला नहोला – गैरे सुरेश (प्रेमगञ्ज)
कुनै दिन यस्तो – अर्जुन पोखरेल (कृष्णलीला)

सर्वश्रेष्ठ गायन पुरुष

उड उड चरी उड – कालीप्रसाद बासकोटा (फूलबारी)
आँखामा सपना केसरी – एसडी योगी (कबड्डी ४)
सिरुपाते जुँगामा – बाबुल गिरी (छक्कापञ्जा ४)
बाबरी रंग – अनमोल गुरुङ (बाबरी)
कुनै दिन यस्तो – सुगम पोखरेल (कृष्णलीला)

सर्वश्रेष्ठ गायन महिला

कुनै दिन यस्तो – अञ्जु पन्त (कृष्णलीला)
फेरि भेट होला नहोला – स्वस्तिका ठकुरी (प्रेमगञ्ज)
बाबरी रंग – अस्मिता अधिकारी (बाबरी)
मीठो मीठो मनभित्र – देवाञ्जली बी जोशी (ह्यारीकी प्यारी)
हर युग होस् – प्रविशा अधिकारी (प्रेमगीत ३)

सर्वश्रेष्ठ नृत्य निर्देशक

दर्शन सलाम – कविराज गहतराज (छक्कापञ्जा ४)
माया जदौ – कविराज गहतराज (हिजोआजका कुरा)
मन त सधैं लक्का जवान – कविराज गहतराज (लक्का जवान)
आगोबिना बिंडी जल्दैन – रामजी लामिछाने (झिंगेदाउ)
हात्ती ढुंगामा – कविराज गहतराज (प्रेमगीत ३)