बेलायतको थर्ड आर्इ कम्पनी र बक्स अफिस इन्टरनेशनल ग्रुपको संयुक्त आयोजनामा गएको शनिवार ‘दशौं बक्स अफिस फिल्म फेयर अवार्ड २०१७’ बेलायतको अल्डरसट स्थित एम्पायर हलमा सम्पन्न भएको छ । ‘दशौं बक्स अफिस फिल्म फेयर अवार्ड २०१७’ मा नायक आर्यन सिग्देललाई फिल्म ‘होमवर्क’बाट उत्कृष्ट नायकको अवार्ड दिइयो भने नायिका केकी अधिकारीले फिल्म 'लभ साशा'बाट उत्कृष्ट नायिकाको अवार्ड उचालिन् । 

 

उत्कृष्ट फिल्म ‘वीर विक्रम’ हुन सफल भयो भने उत्कृष्ट निर्देशकको अवार्ड यही फिल्मबाट मिलन चाम्सले हात पारे । अवार्ड समारोह भव्य आयोजना गरेकोमा दर्शक, सञ्चारकर्मी, प्राविधिक र नेपालबाट अवार्ड समारोहमा पुगेक ६ दर्जन चलचित्रकर्मीलाई आयोजक संस्था बक्स अफिस इन्टरनेशनलका अध्यक्ष आर.के.सुवेदी र बेलायत आयोजकको थर्ड आर्इका प्रमुख विकास देवकोटाको धन्यवाद ज्ञापन गरे । अवार्ड समहारोमा करिश्मा मानधर, आर्यन सिग्देल, केकी अधिकारी, योगेस्वर अमात्य, अशिस्मा नकर्मी, वर्षा सिवाकोटी, सुरविना कार्की ,अनुप बिक्रम शाही, कुशल थापा, नम्रता योगी, सर्मिला बर्देवा, आनन्द कार्की र बेलायतमा बसाबास गर्ने कलाकारहरुले आफ्नो प्रस्तुती दिएका थिए । 

 

 

'दशौं बक्स अफिस अवार्ड'मा सहभागी हुन बेलायत पुगेका अधिकांश कलाकार र प्राविधिकहरुले अवार्ड पाएका छन् भने कार्यक्रममा आफ्नो प्रस्तुती दिएकालाई पनि अवार्ड दिइएको छ । हुनत, विदेशमा मात्र होइन नेपालमा हुने अवार्ड कार्यक्रहरुमा पनि यस्ता महान कार्यहरु भैरहेका छन्, जसले गर्दा विस्तारै दर्शक र चलचित्रकर्मीहरुको नै विश्वास नेपाली अवार्डहरुले गुमाउँदै गएका छन् ।   

 

 

कस-कसले जिते अवार्ड ? (नामावली सहित)

 

सर्वश्रेष्ठ मेक-अप

सरोज पाण्डे  - पुरानो डुङ्गा

 

सर्वश्रेष्ठ कला निर्देशक

आशिष दाहाल/कसम नेपाल    - जंगे

 

सर्वश्रेष्ठ भेषभूष (ड्रेस डिजाइन्)

उत्तम बनेपाली  - के म तिम्रो होइन र 

 

सर्वश्रेष्ठ ध्वनि मिश्रण 

सुनयमान श्रेष्ठ  - छक्का पञ्जा

 

सर्वश्रेष्ठ पाश्र्व संगीत

शैलेश श्रेष्ठ  - गाजलु 

 

सर्वश्रेष्ठ कलर करेक्सन 

राजेन्द्र मोक्तान  - गाजलु

 

सर्वश्रेष्ठ भि. एफ. एक्स 

अनन्त घिमिरे  - द विनर 

 

सर्वश्रेष्ठ खल-नायक  

अर्पण थापा  - वीर विक्रम 

 

सर्वश्रेष्ठ हास्य कलाकार 

केदार घिमिरे (माग्ने बुढो)  - छक्का पञ्जा 

 

सर्वश्रेष्ठ बाल कलाकार 

साइब्रत आचार्य  - छाँया

 

सर्वश्रेष्ठ नृत्य निर्देशक

विक्रम स्वाार  - ठमेल बजार (लुट २) 

 

सर्वश्रेष्ठ पटकथा 

दीपकराज गिरी  - छक्का पञ्जा 

 

सर्वश्रेष्ठ संवाद

दीपकराज गिरी  - छक्का पञ्जा

 

सर्वश्रेष्ठ कथा 

लक्ष्मण सुवेदी  - लालजोडी

 

सर्वश्रेष्ठ सम्पादक

विपिन मल्ल  - छक्का पञ्जा 

 

सर्वश्रेष्ठ छायाँकार

राम कुमार केसी  - वीर विक्रम

 

सर्वश्रेष्ठ द्धन्द निर्देशक

एन. बी. महर्जन  - जय पर्शुराम 

 

सर्वश्रेष्ठ चरित्र अभिनेता

माओत्से गुरुङ  - पुरानो डुङ्गा

 

सर्वश्रेष्ठ चरित्र अभिनेत्री

मिथिला शर्मा  - के म तिम्रो होइन र 

 

सर्वश्रेष्ठ सह-नायक

सलोन बस्नेत  - गाजलु

 

सर्वश्रेष्ठ सह-नायिका

मेनुका प्रधान - पुरानो डुङ्गा

 

सर्वश्रेष्ठ नव-नायिका

दिया पुन  - वीर विक्रम 

 

सर्वश्रेष्ठ नव-नायक 

आर्यन अधिकारी  - के म तिम्रो होइन र 

 

सर्वश्रेष्ठ नायिका 

केकी अधिकारी  - लभ साशा

 

सर्वश्रेष्ठ नायक 

आर्यन सिग्देल  - होमवर्क 

 

सर्वश्रेष्ठ नव-निर्देशक 

नरेश केसि  - डाइङ क्याण्डल

 

सर्वश्रेष्ठ निर्देशक

मिलन चाम्स  - वीर विक्रम 

 

सर्वश्रेष्ठ फिल्म

वीर विक्रम 

 

कार्यक्रममा संगीत अवार्डपनि प्रदान गरिएको छ । शान्ति प्रियलाई 'छक्का पन्जा'मा समाबेश 'सुनन चम्पा' बोलको गीतबाट उत्कृष्ट गीतकारको अवार्ड प्रदान गरियो भने 'छक्का पन्जा'बाटै राजनराज सिवाकोटीले पनि उत्कृष्ट संगीत विधामा अवार्ड उचाले । यस्तै, 'छक्का पन्जा'बाट गायिका अन्जु पन्तले उत्कृष्ट गायिकाको अवार्ड पाइन् भने 'वीर विक्रम'बाट तारा प्रकाश लिम्बुले उत्कृष्ट गायकको अवार्ड पाए । 

 

सर्वश्रश्रेष्ठ स्टुडियो रेड स्टिडियो, 'छक्का पन्जा'बाट सर्वश्रश्रेष्ठ पोस्टर डिजाइन सुन्दर श्रेष्ठ, 'छक्का पन्जा'बाट सर्वश्रश्रेष्ठ निर्माण नियन्त्रक सुमनराज गिरी, 'के म तिम्रो होइन र' बाट सर्वश्रेष्ठ प्रोमो साहिल खान, 'छक्का पन्जा'बाट सर्वश्रश्रेष्ठ वितरक गोपालकाजी कायस्थ र 'वीर विक्रम'बाट केदार पराजुलीले अवार्ड उचाले । 

 

यस्तै, 'तीन घुम्ती'लाई सर्वश्रेष्ठ विशेष चलचित्रको अवार्ड प्रदान गरियो । सर्वश्रेष्ठ सफल डिजिटल कारोबार हाइलाइट् नेपालले अवार्ड उचाल्दा सर्वश्रेष्ठ सफल सिनेमा हलको अवार्ड अस्ट्नारायण हलले उचाल्यो । सर्वश्रेष्ठ सक्रिय संघसंस्था कलाकार संघ, सर्वश्रश्रेष्ठ अवार्ड आयोजना नेफ्टा अवार्ड, सर्वश्रेष्ठ कलाकार ज्योति काफ्ले सर्वश्रेष्ठ नायिका आयुश्मा कार्की, सर्वश्रेष्ठ नायक निखिल उप्रेती, सर्वश्रेष्ठ निर्माता सन्तोष अन्जु, सर्वश्रेष्ठ निर्देशक दिपाश्री निरौला र सर्वश्रेष्ठ लाइफटाइम अचिभमेन्ट दीपक क्षेत्रीलाई प्रदान गरियो । 

 

यस्तै, पत्रकारिता युवा प्रोत्साहन पुरस्कार 'ठूलोपर्दा डटकम'का प्रधान सम्पादक जीवन पराजुलीलाई प्रदान गरिँदा पत्रकारिता नगद सम्मान श्याम अर्याललाई दिइयो । कार्यक्रममा सुन्दर लाल श्रेष्ठलाई विशेष सम्मान पनि प्रदान गरिएको थियो ।