निर्देशक हेमराज बिसीले अहिलेका स्टार अभिनेता अनमोल केसीलाई 'होस्टल' फिल्मबाट रजतपटमा भित्र्याए । यो फिल्मको सफलतासँगै हेमराजले 'जेरी' फिल्म बनाएर अनमोललाई अर्को हिट फिल्म दिए । यिनै निर्देशकको अर्को फिल्मलाई अनमोलले नगर्ने मुड बनाएका छन् ।
.jpg)
अाउँदो फागुन महिनाबाट सुटिङ गर्नेगरी तयारी गरिएको हेमराजले निर्देशन गर्ने 'ग्याङस्टार ब्लुज'बाट अनमोलले हात झिक्ने तयारी गरेका हुन् । आफ्नै पिता भुवन केसीले निर्देशन गर्न लागेको फिल्म 'ड्रिम्स'सँग 'ग्याङस्टार ब्लुज'को सुटिङ तालिका जुधेपछी अनमोल अनमोल अफ्ठ्यारोमा परेका हुन् ।
'ग्याङस्टार ब्लुज'का लागि भनेर अनमोलले कपाल समेत पालेका थिए । अनमोलले केही दिन अगाडी मात्रै कपाल फाले । उनले फिल्मका लागि लिएको सम्झौता रकम पनि फिर्ता गर्न तयारी गरेको स्रोत बताउँछ । हेमराजको टिम अनमोलको समय तालिका मिलाउन कसरत गरिरहेको छ ।
अभिनेता भुवन केसीले पनि अनमोलले हेमराजको फिल्म गर्ने संभावना कम रहेको बताए । 'उहाँहरूले मेरो फिल्मभन्दा पछाडी सुटिङ गर्न राजी हुनुभयो भने अनमोलले 'ग्याङस्टार ब्लुज' गर्नेछ, नत्र मेरो फिल्म गर्नुको विकल्प छैन', भुवनले भने- 'सकेसम्म दुबै फिल्मा गर्न मिल्ने वातावरणको सिर्जना गर्दैछौं ।'
यता भुवन केसीले आफ्ना छोराको लागि सुहाउँदो जोडी खोज्दै छन् । सामिप्यराज तिमिल्सेनाले लेख्दै गरेको कथाको लागि भुवनले नयाँँ हिरोईनको अडिसन लिईरहेका छन् । भुवनको फिल्मको सुटिङ फागुनमा हुनेछ ।
