Nepal's No.1 Filmy Web Magazine
फिल्म ‘सम्झना बिर्सना’ आउँदो जेठ ६ गतेबाट प्रदर्शनमा आउने भएको छ । शुक्रवार निर्माण टिमले एक पोस्टर सार्वजनिक गर्दै प्रदर्शन मिति तोकेको हो । पोस्टरमा अभिनेता आकाश श्रेष्ठ र अभिनेत्री पूजा शर्मा रोमान्टिक मुद्रामा देखिएका छन् । यसअघि २०७७ सालको जेठ २ गतेलाई प्रदर्शन मिति घोषणा गरिएको थियो । तर, कोरोना महामारी कारण फिल्म प्रदर्शन हुन सकेन ।
दीपेन्द्र के. खनालको निर्देशनमा तयार भएको फिल्म ‘चिसो मान्छे’को टिजर सार्वजनिक भएको छ । शुक्रवार सार्वजनिक भएको १ मिनेट १५ सेकेन्ड लम्बाईको टिजर रोचक र बलियो बनेको छ । टिजरमा स्वस्तिमा खड्का कर्णाली भेगको महिलाको भेषभुषामा प्रस्तुत छिन् । उनको भिन्न लुक्सले टिजरबाट आँखा हट्न दिँदैन । त्यस्तै, अर्पण थापाको सस्पेन्स भूमिकाले खुलदुली पैदा गर्छ ।
काठमाडौंको न्यूरोडमा रहेको कुनै बेलाको चर्चित रञ्जना सिनेमा हल १३ वर्षपछि अत्याधुनिक सेवा सुविधाका साथ शुक्रवारबाट पुनः सञ्चालनमा आएको छ । मल निर्माण गर्न भन्दै २०६५ सालमा रञ्जना हल बन्द गरिएको थियो । रञ्जना सिनेप्लेक्सको नाममा दिएर साउथ फिल्म ‘आरआरआर’ रिलिज गर्दै हल सञ्चालनमा आएको हो । तीन अडिटोरियम रहेको हलमा ५३१ सिट क्षमता छ ।
‘सरी मम’ नाममा फिल्म निर्माण हुने भएको छ । बिहीवार काठमाडौँको भद्रकाली मन्दिरमा शुभ मुहूर्त गर्दै फिल्मको छायांकन पनि सुरु गरिएको छ । क्यामेरा र स्क्रिप्ट पूजा गर्दै छायांकन थालिएको फिल्मका लागि सरीता लामिछाने र प्रभात पलले मुहूर्त सर्ट दिएका थिए । मुहूर्त समारोहमा वितरक गोपालकाजी कायस्थले क्ल्याप ठोकेका थिए भने रञ्जीत रानाले निर्देशन गरेका थिए ।
हलिउड अभिनेता सिल्भियो सिमाक नेपाल आउने भएका छन् । एक्सन फर नेसन्सको आयोजनामा २६ मार्च (चैत १२) २०२२ मा काठमाडौंमा हुन लागेको महिला सशक्तिकरणका लागि आत्मरक्षा तालिममा सहभागि हुन उनी पहिलो पटक नेपाल आउन लागेका हुन् । एक्शन फर नेसन्सको सद्भावना दूत समेत रहेका उनी मार्शल आर्टिस्ट र विश्व च्याम्पियन समेत हुन् ।
अभिनेता अनमोल केसी र अभिनेत्री सुहाना थापाको मुख्य भूमिका रहेको फिल्म ‘ए मेरो हजुर ४’को ट्रेलर सार्वजनिक भएको छ । बिहीवार राजधानीमा बिग मुभिजमा एक कार्यक्रमका बीच सार्वजनिक गरिएको ट्रेलरमा प्रेम, रोमान्स, विछोड, कमेडी मिश्रित छ । अनमोल र सुहानाको प्रेममा परिवार तगारो बनेपछि उत्पन्न हुने परिस्थितिलाई ट्रेलरमा देखाउन खोजिएको छ । ट्रेलर कलरफूल छ ।
