जनकपुर अञ्चल मनहरा कट्टी गाविसका २८ बर्षे निर्देशक निरज राज पौडेल बलिउडमा करियर बनाउने तयारीमा जुटेका छन् ।
हाल बलिउडमा नयाँ पहिचान खोज्दै गरेका पौडेलले डकुमेन्ट्री समेत राम्रो निर्देशन गर्छन । "मृत्युलाई निमन्त्रणा" नाम दिएर बनाएको डकुमेन्ट्रबाट उनले अमेरिकामा आयोजित पाफ फिल्म फेष्टीवलमा बेष्ट कन्सेप्ट डिरेक्टर अवार्ड समेत जितेका थिए ।
डकुमेन्ट्री उत्कृष्ट भएकाकारणले निरजले हलिउड र बलिउडका विभिन्न प्रोडक्सन कम्पनीहरूमा काम गर्ने अफर पनि पाएका छन् । जस अनुरूप हलिउड र बलिउडसंग सम्बन्धीत ड्रिम प्रोडक्सन एण्ड मिडिया इन्टरटेनमेन्ट कम्पनीमा उनी आबद्ध समेत भएका छन् ।
बलिउडका टप लिस्टेड फिल्म मेकर भिपुल शाह तथा रमेश चन्द्र सिंघानियासंग मिलेर उनले तेस्रो लि
ङ्गीको बिषयमा आधारित भोजपुरी चलचित्र इट डजन्ट म्याटर निर्देशन गरेका छन् । यस्तै उनी अर्को सांगीतिक भोजपुरी चलचित्र "उमरिया बेस" मा आकाक्षा राय संग लिड रोलमा पनि देखापर्देछन् ।
गायक समेत रहेका निरज बलिउडमा ठूलो स्ट्याबलिस हुनुको अलवा नेपाली चलचित्र निर्माणमा पनि चाडै जुट्दैछन् । हाल सिंगापुरमा रहेका एक जना निर्माता बसु आचार्यको चलचित्र फुलको निर्देशन गर्ने तयारीमा जुटेका निर्देशक पौडेल हाल भने अमेरिकामा गायक यम बरालसंग लाईभ कर्न्सटमा व्यस्त छन् ।
