अस्टे्रलियाई नायिका एबी कारनिस तथा हलिउड नायक रायन फिलिपबीचको प्रेमसम्बन्ध टुक्रिएको छ । एबीले एकतर्फी रूपमा प्रेमसम्बन्ध टुक्रिएको घोषणा गरेपछि रियान पुनः एकपटक निराश भएका छन् ।

अनलाइन पत्रिका पिपुलका अनुसार एबीलाई केही दिनअघि मात्र लसएन्जल्सको उनीहरूको संयुक्त आवासबाट आफ्ना सामानसहित बाहिरिएको देखिएको थियो । दुवैले अलग-अलग बस्ने निर्णय गरेकाले पनि उनीहरूबीच प्रेमसम्बन्ध कायम नरहेको अनुमान गरिएको छ । 'दुवैले अलग-अलग बस्ने निर्णय गरेका छन्, नायिका एबीकी सहायकले भनिन्- 'दुवैबीच अब पहिलेको जस्तो माया-प्रीति रहेन । दुवैले पुरानो सम्बन्ध समाप्त भैसकेको स्वीकार गरेका छन् ।'