लामो समयको ग्यापपछि अभिनेता ऋतिक रोशन चलचित्र काइट्स मार्फत् सिल्भर स्क्रिनमा र्फकंदैछन् । उक्त चलचित्रमा ऋतिकलाई हलिउडकी बारबरा मोरीले साथ दिएकी छिन् ।

चलचित्रको छायांकनका समयमा ऋतिक र बारबरा नजिएको र उनीहरूबीच रोमान्स चलेको हल्ला पनि चलेको थियो । यही विषयलाई लिएर ऋतिक र उनकी पत्नी सुजानबीच केही मनमुटाव भएको कुरा पनि बाहिर आएको थियो । चलचित्र काइट्समा ऋतिक र बारबराको केही हट सिनको चर्चा पनि छ । यी सबै कारणले गर्दा काइट्सलाई भारतीय दर्शकहरू निकै उत्साहका साथ पर्खिरहेका छन् तर हिन्दी तथा अंग्रेजी दुई भर्सनमा निर्माण गरिएको यो चलचित्रको हिन्दी भर्सनबाट भने हट सिन हटाइएको बताइन्छ । तथापि भारतबाहिर रिलिज गरिने चलचित्रको अंग्रेजी भर्सनमा भने ती हट सिन यथावत् रहनेछन् । भारतीय दर्शकहरूले आफ्नो हिरोको हलिउडकी बारबरासितको हट सिन भने हेर्न नपाउने भए ।