चलचित्र 'जादुगर' मार्फत हाँस्यकलाकार तथा जादुगर महादेब त्रिपाठीले गायक माईकल ज्याक्सनलाई सम्झिएका छन् । निर्माणाधिन चलचित्र 'जादुगर' मा त्रिपाठीले स्वर्गिय गायक ज्याक्सनको सम्झनामा ज्याक्सनकै एक गीतमा उनले आफ्नो नृत्य प्रस्तुत गर्ने भएका छन् ।

गायक ज्याक्सनबाट निकै प्रभावित बनेका त्रिपाठीले चलचित्रको शुरूवात नै ज्याक्सनको तस्विरबाट गर्ने भएका छन् । चलचित्रको 'कास्टिङ' मा नै ज्याक्सनले गाएको गीतमा ज्याक्सनकै नक्कल गरिएको जादुगर त्रिपाठीको आकर्षक नृत्य रहने छ ।

हाँस्य, रहस्य र आश्चार्यले भरिपूर्ण चलचित्र जादुगरलाई दर्शकहरूले नयाँबर्षको आगमन सँगै हेर्न पाउने भएका छन् । बिशेष गरी बालबालिकाहरूलाई केन्द्रित निर्माण गर्न लागिएको यस चलचित्रको निर्माण कार्य अन्तिम चरणमा पुगेको छ ।