भर्खरै मात्र स्थापना भएको दुर्गिस फिल्मसले सवीर श्रेष्ठको निर्देशनमा 'त्यसैले त रोजेँ  तिमीलाई' नामक चलचित्र निर्माण गर्ने भएको छ । पूर्ण रूपमा प्रेम कथामा आधारित रहेर निर्माण हुन लागेको यस चलचित्रको कथा सुरज सुब्बा 'नाल्बो' ले लेखेका हुन् ।

वैशाखदेखि छायांकन सुरु हुने भनिएको यस चलचित्रका कलाकारहरोको छनोट भने भईनसकेको दुर्गिस फिल्मसका सञ्चालक सुनिल रावलले बताए ।
चलचित्रका कलाकारहरूको छनोट कार्य अबको केहि दिनमा सकिने र त्यसको लगत्तै अन्य प्राबिधिक कार्य शुरू गर्ने दुर्गिस फिल्मसका सल्लाहकार श्याम कुँवरले जानकारी दिए ।

चलचित्रको २५ देखि ३० प्रतिशत भाग बिदेशमा छायाँकन गरिने निर्देशक श्रेष्ठको भनाई रहेको छ । चलचित्रमा नयाँ नायिकाको खोजी भईरहेको निर्देशकले बताए । यस फिल्मसले यो चलचित्रको निर्माण गरे लगत्तै अरू दुई चलचित्र निर्माण गर्ने समेत घोषणा गरेको छ ।