|
INTERVIEW
|
|
|
|
हामी पास भई सक्यौं - अपिल बिष्ट
|
|
सुमन गैरे, २०६७ भाद्र २, बुधवार
|
१५ वर्षअघि तत्कालिन एमाले महासचिव मदन भण्डारी र संगठन विभाग प्रमुख जीवराज आश्रितको चितवनको दासढुंगामा भएको रहस्यमय हत्याको घटनामा आधारित चलचित्र ‘दासढुंगा’ छिट्टै प्रदर्शन हुने भएको छ । अपिल बिष्टको निर्माणमा मनोज पण्डितले निर्देशन गरेको यो चलचित्र सम्भवत भदौ महिनाको तेस्रो साता भित्रमा प्रदर्शन हुनेछ । चलचित्रमा अनुप बराल, सञ्चिता लुईटेल, सौगात मल्ल, दयाहाङ र्राई, मोहन भण्डारी, रामकृष्ण पौडेल, बीएस राणा लगायतका कलाकारहरूको अभिनय रहेको छ । यहि चलचित्रमा आधारित भएर निर्माता अपिल बिष्टसँग गरिएको कुराकानी -
READ MORE...
|
|
|
|
|
रेगिस्तानमा कमल फुलाउँनु पर्छ' - नवनायिका कोपिला कार्की
|
|
तीर्थ संगम राई, २०६७ श्रावण २७, बिहिवार
|
व्यस्त जीवन शैली र समय अभावको बाबजुत पनि हिजो आज दोहामा सुनि रहने र मिडियामा आई रहने कला क्षेत्रकी नव नायिकाको एउटा नाम हो कोपिला कार्की । ललितपुरको गोदावरीमा स्थानिय घर भई हाल कतारको एक प्रतिष्ठित कम्पनिमा सेल्स अफिरको काम गरि रहेकी कोपिला नेपालबाट नै कला क्षेत्रमा प्रवेश गरेकी हुन । कोपिलाको जीवन रफ्तार र उतार चढाव सगै कहिले सिङ्गापुर कहिले कुवेत हुदै हाल दोहामा २ बर्ष देखि कार्यरत छिन् । परिवारको जिम्मेवारी र आफ्नो जीवनलाई सहि तरिकाले समायोज गरेर अघि बढि रहेकी कोपिलाले कतारमा भएका स्टेज सोहरुमा उदघोषिकाको भुमिका पनि निभाउदै आईरहेकी छिन् । कोपिलाले कतारबाट निर्मित नेपाली कथानक चलचित्र 'यदि' बाट अभिनयको आरम्भ गरेकी हुन । तर प्राविधिक कारणले उक्त चलचित्रलाई बिचमा नै छोड्नु परेको तीतो यथार्थलाई उनी बिर्सन सक्दिनन् । पछिल्लो समयमा सिने सरोकार केन्द्र दोहा कतारले निर्माण गरि रहेको चलचित्र 'इसारा जिन्दगीको' मा पुन नायिकाको भुमिकामा अनुबन्धित् भएर काम सुरु गरिरहेकी छिन् ।
कलाकारिताको सुरुवात कसरी गर्नु भयो ?
२ बर्ष अगाडि स्टार क्रियशनमा शिव विकको निर्देशनमा सबै भन्दा पहिला लोक दोहोरीमा मोडलिङ गरेबाट मेरो कलाकारिताको सुरुवात भएको हो । त्यस पछि मैले इसियार एफ एम गोदावरीबाट संचालित 'शन्देस' कार्यक्रममा उद्घोषिकाको रुपमा पनि काम गरे । अहिले दोहाबाट बनि रहेको बिभिन्न म्युजिक भिडियोहरु र सिने सरोकार केन्द्र दोहा कतारबाट निर्माण भईरहेको चलचित्र 'इसारा जिन्दगीको' मा नायिकाको भुमिका गरिरहेकी छु ।
'इसारा जिन्दगीको' कस्तो चलचित्र हो ?
यो चलचित्र प्रवास र दोहाको नेपाली जनजीवनको दर्पण हो । जुन दर्पणमा हामी कतार र कतारको नेपालीहरुको जनजीवन नियाल्न सक्दछौ ।
दोहामा रहेका कलाकारहरुकॊ भुमिका कस्तो हुनुपर्छ जस्तो लाग्छ ?
सबै भन्दा पहिला नेपाली कला र संस्कृति झल्काउने र संरक्षण गर्ने हुनुपर्छ । सम्पुर्ण नेपाली कलाकारहरुले पहिला म नेपाली हुँ मैले गरेको कामले नेपालको प्रतिनिधित्व गर्ने छ भनेर सोच्न जरुरी हुन्छ । त्यस पछि व्यावसायीकरण तिर लम्कदै अन्तराष्ट्रिय बजारसँग प्रतिस्पर्धा गर्न सक्ने प्रस्तुति दिन सक्नु पर्छ । तर नेपाली कला र संस्कृतिको मर्म र भावलाई भने मार्न हुदैन । म त यो भन्न चाहान्छु हामीले पोखरीमा हैन रेगिस्तानमा कमल फुलाउँनु पर्छ तब मात्र दोहाको कलाकारहरुको पहिचान हुनेछ ।
दोहामा कलाकारिताको अनुभव र भविष्य कस्तो देख्नु भएको छ ?
दोहाको परिवेशमा कलाकारिताको अनुभव अति नै कष्टकर छ । सातामा छ दिन ड्युटि एक दिन शुक्रबार बिदा हुन्छ । त्यहि दिनलाई सदुपयोग गर्नु पर्ने हुन्छ । त्यस पछि कतारको अति नै कडा कानुन प्रचण्ड गर्मी सबै कुरालाई सम्झौता र सामना गरेर यो क्षेत्रमा लाग्नु पर्ने हुन्छ । तर पनि सुर्टिङ्ग स्पोटमा हुने पारिवारिक माहौलले गर्दा यो सब कुरा ख्याल हुदैन । दोहामा पनि कलाकारितालाई व्यावसायीकरण गर्न सकिने अवस्था छ । यहाँ भएका सम्पुर्ण कलाकारहरु एक आपसमा मिलेर गएको खण्डमा कलाकारिताको भविस्य पनि राम्रो छ ।
भविष्यमा यहि क्षेत्रलाई निरन्तरता दिनु हुन्छ या अरु नै योजना बनाउनु भएको छ ?
अहिले यसै भन्न सक्ने स्थीति छैन । गर्दै जाऊ यो क्षेत्रमा टिकिरहन सके यसै क्षेत्रलाई अगाडि बढाउने छु । तर बैकल्पिक बाटोहरु बनाएर अगाडि बढ्न भने छाड्ने छैन । भोलि कस्ले देखेको छ र ?
यस क्षेत्रमा कसलाई प्रेरणाको श्रोत मान्नुहुन्छ ?
धेरैको नाम लिनु पर्ने हुन्छ तर म दोहामा रहेको मेरो बाबालाई मेरो प्रेरणाको श्रोत मान्दछु ।
प्रवासमा रहेका कलाका पारखी नेपालीहरुलाई केहि भन्न चाहानु हुन्छ ?
प्रवासमा रहनु भएका सम्पुर्ण नेपालीहरु जो परिवारबाट टाढा रहेर परिवारको लागि श्रमको खेति गरि रहनु भएको त्यो अति नै सम्मानजनक छ । तर नगन्य संख्यामा रहनु भएका ती नेपाली दाजुभाई र दिदी बहिनीहरु प्रति दुःख लाग्छ जस्को आँखा अति नै कुण्ठित र घिन लाग्दो छ । बिशेष गरेर हामी महिला कलाकारहरुलाई हेर्ने वहाँहरुको आँखा सारै नै गतल छ । म वहाँहरुलाई भन्न चाहान्छु कि हामीले कलालाई साधना र पुजाको रुपमा लिएका छौ । इमान्दारी र नेपाली पहिचान हाम्रो कसी हो । यसलाई गलत आँखाले अर्को परिभाषा नलाई दिनु होला ।
READ MORE...
|
|
|
|
|
प्रेमकथालाई छोड्न सक्दिन - निर्देशक पौड्याल
|
|
सुमन गैरे, २०६७ श्रावण १७, सोमवार
|
विगत १५ वर्षदेखि नेपाली चलचित्र क्षेत्रमा सक्रिय रुपमा लागि परिरहेका निर्देशक हुन् नरेश पौड्याल । उनले निर्देशन गरेको पछिल्लो चलचित्र 'दिपशिखा' प्रदर्शनको तयारीमा रहेको छ । यो चलचित्र भाद्र २५ गतेबाट देशभर एकसाथ प्रदर्शनमा आउँदै छ ।
तपाईंको चलचित्र 'दिप-शिखा' लाई दर्शकहरूले किन हेर्ने ?
आज सम्म कुनै पनि निर्माता निर्देशकले नेपाली चलचित्र हेर्ने दर्शकहरूको चाहनालाई बुझ्न सकेका छैनन् । दर्शकहरू के चाहन्छन् भन्ने कुरा थाहा पाउन सकेको भए सायद सबै चलचित्र सफल हुन्थे होला । मैले पनि सम्पूर्ण दर्शकहरूको चाहना पूरा गर्ने चलचित्र बनाएको छु भनेर त भन्दिन तर पनि हरेक दर्शकलाई ध्यानमा राखेर 'दिप-शिखा' निर्माण गरेको छु । सायद यो चलचित्रमा दर्शकहरूले खोजेका कुराहरू पाउन सक्नुहुन्छ होला ।
के बिषयमा केन्द्रित छ त यो चलचित्र ?
यो साँगितिक प्रेमकथामा आधारित चलचित्र हो । चलचित्रको शुरूवातमा कमेडीलाई अलि बढि प्राथमिकता दिएको छु भने त्यसपछि चलचित्रले युवाबर्गमा हुने प्रेमसम्बन्धलाई मिठो ढंगले प्रस्तुत गरेको छु ।
पात्र चयनमा निकै उतारचढाव आएको थियो नि ?
यो चलचित्र करिब ४ बर्ष अगाडी निर्माण गर्ने तयारी गरेको थिए जसले गर्दा त्यो बेलाका चलेका कलाकारहरूलाई लिने योजना बनाएको थिएँ तर पछि ति पात्रहरूले आफ्नो छबि परिवर्तन गरे । र समयको परिवर्तन अनुसार पात्रहरूमा पनि परिवर्तन गर्नु पर्यो । अहिले जुन पात्रहरू छन् उनीहरूनै दिपशिखाको लागी योग्य छन् । मैले चयन गरेका पात्रहरूले मेरो चलचित्रलाई न्याय गरेका छन् ।
नरेश पौड्यालले प्रेमकथामा नै आधारित रहेर चलचित्र निर्माण गर्नुको कारण ?
मैले बनाएका सबै चलचित्रहरू प्रेमकथामा नै आधारित छन् र दर्शकहरूले सोचे भन्दा बढी मन पराईदिनु भएको छ । त्यसैले मैले प्रेमकथाका चलचित्रहरूलाई छोड्न सकेको छैन ।
अरू कथामा चलचित्र राम्रो बन्न सक्दैनन् र ?
प्रेमकथामा मात्र बनेका चलचित्र सफल बन्छन् भन्ने हैन । मात्र नरेश पौड्यालले प्रेमकथामा आधारित चलचित्रलाई न्याय गर्न सक्ने भएकोले नै मैले आफ्नो चलचित्रमा प्रेमकथालाई प्राथमिकता दिएको हुँ ।
नायिका अरूणिमालाई चलचित्र लेखनको जिम्मा दिनुको कारण ?
अरूणिमामा भएको खुबिलाई मैले उतार्ने प्रयास गरेको मात्र हुँ । साच्चिकै नै उनले राम्रो कथा लेखेकी छिन् र उनको कथालाई मैले न्याय गरेको छु ।
चलचित्रमा द्वन्दलाई कत्तिको प्राथमिकता दिनु भएको छ ?
यो चलचित्र द्वन्दप्रधान चलचित्र भने हैन तर पनि यस चलचित्रमा २ वटा द्वन्दलाई प्रस्तुत गरिएको छ । मैले चलचित्र बनाउँदा हरेक बर्गलाई ध्यानमा राखेर चलचित्र बनाउने गर्छु । त्यसैले मेरो चलचित्रमा हरेक पक्षलाई समाबेश गरिएको हुन्छ ।
'दिपशिखा' चल्ने कुरामा कत्तिको बिश्वस्त हुनुहुन्छ ?
२०० % नै बिश्वस्त छु । किनभने, हामीले यो चलचित्र निर्माणमा निकै मेहनत गरेका छौं र राम्रो काम पनि गरेका छौं । मेहनत र राम्रो कामको फल पक्कै पनि राम्रै हुन्छ ।
कुमारी हलमा पनि चलचित्र चलाउदै हुनुहुन्छ रे !
हो । कुमारी हलमा मात्र चलचित्र हेर्ने दर्शकहरूले मेरो चलचित्र 'दिपशिखा' हेर्न पाउनु हुनेछ । कुमारी, जयनेपाल जस्ता हलमा मात्र चलचित्र हेर्न चाहने दर्शकहरूलाई मध्यनजर गर्दै मैले कुमारीमा पनि यो चलचित्र चलाउन लागेको हुँ ।
अन्तमा के भन्न चाहनुहुन्छ त ?
सबै भन्दा पहिला त नेपाली चलचित्रलाई माया गरेर नेपाली चलचित्र क्षेत्रलाई बचाई रहनु भएका दर्शकहरू प्रति म आभार प्रकट गर्दछु । 'दिपशिखा' चलचित्रलाई पर्खेर बस्नुभएका दर्शकहरूलाई धैर्य गर्न अनुरोध गर्दछु । किनभने साउन २८ गते बिबिध कारणले गर्दा यो चलचित्र प्रदर्शन हुन सकेन । अब भाद्र २५ गते तपाईंहरूको शहरमा 'दिपशिखा' लाई लिएर आउँदै छु । साथमा नेपाली चलचित्र हेर्न नचाहने दर्शकहरूलाई एक पटक यो चलचित्र हेर्न बिनम्र आग्रह पनि गर्दछु । किनभने यो चलचित्र तपाईहरूले सोचे भन्दा राम्रो बनाएको छु ।
READ MORE...
|
|
|
|
|
दिप-शिखामा नारीको भावनालाई समेटिएको छ - नायिका अरूणिमा लम्साल
|
|
सुमन गैरे, २०६७ श्रावण ८, शनिवार
|
नायिका अरूणिमा लम्सालको कथामा बनेको चलचित्र 'दिप-शिखा' यहि साउन २८ गते देखि राजधानी र राजधानी बाहिरका प्रमुख शहरहरूमा एक साथ प्रदर्शनमा आउँदै छ । आफूले पहिलो पटक चलचित्रको कथा लेखेको भएर नै होला उनी चलचित्र प्रदर्शन भएर दर्शकको प्रतिक्रियाको पर्खाईमा छिन् । प्रस्तुत छ यिनै नायिकासँग फिल्मीखबर डटकमले गरेको अडियो कुराकानी -
READ MORE...
|
|
|
|
|
मेहनत अनुसारको पारिश्रमिक लिन्छु - नायिका नम्रता श्रेष्ठ
|
|
सुमन गैरे , २०६७ आषाढ २५, शुक्रवार
|
सानो संसारबाट रजतपटमा पाईला टेकेकी नायिका नम्रता श्रेष्ठले नायक दिलिप रायमाझीले निर्माण गर्न लागेको चलचित्र 'मिस यु' मा अभिनय गर्ने भएकी छिन् । सुरेशदर्पण पोखरेलले निर्देशन गर्न लागेको सो चलचित्रमा नायिका नम्रता ४ लाखमा अनुबन्धित भएकी छिन् । सो चलचित्रको अहिले गृहकार्य भईरहेको छ । उनै नम्रतासँग फिल्मीखबर डटकमका प्रधानसम्पादक सुमन गैरेले गरेको अडियो कुराकानी -
READ MORE...
|
|
|
|
|
परिश्रमको उचित मूल्याङ्कन हुनुपर्छ - निर्देशक सबिर श्रेष्ठ
|
|
सुमन गैरे , २०६७ आषाढ १२, शनिवार
|
नेपाली चलचित्रमा सहायक निर्देशक भई १० बर्ष बिताएर रेखा फिल्म्सको ब्यानरमा निर्माण भएको चलचित्र 'कसले चोर्यो मेरो मन' बाट डेब्यू गरेका निर्देशक सबिर श्रेष्ठ अहिले निर्माताको रोजाईका निर्देशक बनेका छन् । 'कसले चोर्यो मेरो मन' निर्देशन गरे लगत्तै उनले उमा बेबी, कृषा चौलागाईं र सुनिल रावलको चलचित्र निर्देशन गर्ने अवसर पाएका छन् । उनले निर्देशन गरेको उमा बेबीको चलचित्र 'इशारा' को अहिले सम्पादन भईरहेको छ । 'इशारा' को सम्पादन कक्षमा भेटिएका निर्देशक सबिरसँग फिल्मीखबरको कुराकानी –
READ MORE...
|
|
|
|
|
म फ्लप निर्देशक हैन - निर्देशक कृष्ण चापागाईं
|
|
गिरीराज भट्टराई, २०६७ आषाढ १, मंगलवार
|
सुनिल मानन्धरको निर्माणमा कृष्ण चापागाईंले निर्देशन गरेको चलचित्र राजधानीको सफल प्रदर्शन पश्चात मोफसलमा पुगेको छ । चलचित्रको प्रचार प्रसारको क्रममा दमक पुगेका निर्देशक कृष्ण चापागाईंसँग फिल्मीखबरका प्रतिनिधी गिरीराज भट्टराईले गरेको कुराकानी -
READ MORE...
|
|
|
|
|
मेरो पुनर्जन्म हुँदैछ - नायक दिलिप रायमाझी
|
|
सुव्रत आचार्य, २०६७ ज्येष्ठ १४, शुक्रवार
|
दर्पणछायाँ चलचित्रबाट नेपाली चलचित्रको दुनियाँमा छाएका नायक दिलिप रायमाझीले पछिल्लो समयमा राम्रो चलचित्रमा अभिनय नगरेको गुनासो आएको छ । तर अहिले भने उनका हातमा राम्रा चलचित्र आएका छन् । यहि बिषयमा आधारित रहेर सुव्रत आचार्यले गरेको यो छोटो कुराकानी -
READ MORE...
|
|
|
|
|
'दर्शक घट्नुको कारण नै प्रबिधी हो ' - उत्तम दुवा
|
|
सुमन गैरे , २०६७ ज्येष्ठ ४, मंगलवार
|
करिब ३ दशक देखि नेपाली चलचित्र क्षेत्रलाई प्रत्यक्ष र अप्रत्यक्ष रूपमा बिशेष योगदान दिँदै आएका उत्तम दुवा पोखराका बिन्ध्वाबासिनी, श्रीकृष्ण र बाराही हलका सञ्चालक हुन् । नेपाली चलचित्रको बजार बिस्तार गर्ने उद्देश्यका साथ बुटवलमा २०३८ सालमा कालिका चलचित्र मन्दिर सञ्चालनमा ल्याएका दुवाले २०४३ सालमा पोखरामा बिन्ध्वाबासिनी चलचित्र मन्दिरको स्थापना गरे । त्यसको केहि बर्षमा बिन्ध्वाबासिनी हलसँगै श्रीकृष्ण र बाराही हल पनि सञ्चालनमा ल्याए । अहिले यि तिनै हल एकै ठाउँमा एकैसाथ सञ्चालनमा छन् । यसैगरी उनले मोफसलमा पहिलो पटक सुबिधा सम्पन्न फिल्म सुटिङ स्टुडियोको समेत निर्माण गरेका छन् । केहि महिना अगाडी पोखराको बुढीबजारमा बाराही स्टुडियो खोलेपछी छायाँकनको लागी पोखरा पुग्ने चलचित्रकर्मीहरूलाई निकै राहत पुग्ने गरेको छ । नेपाली चलचित्रको बजारलाई नजिकबाट नियालेका दुवासँग फिल्मीखबरले गरेको यो कुराकानी -
READ MORE...
|
|
|
|
|
प्रवासमा पनि धेरै राम्रा कलाकारहरु छन् - गायक आशुसेन लामा
|
|
राम छन्त्याल, २०६७ वैशाख १०, शुक्रवार
|
विशिष्ट प्रतिभाका धनी हुन् आशुसेन लामा । उनी गीत पनि गाउनुको साथै गीतको लागि संगीत तथा रचना आफै गर्छन् । गत वर्ष इण्डियन आइडल प्रशान्त तामाङको नमस्ते एल्बमका लागि रचनाकार तथा संगीतकार उनी आफै स्वयं हुन् । करिब एक वर्ष अगाडि कलकत्तामा साउथ एसियन सुपर स्टारको उपाधी चुमेपछि उनी नेपाली संगीतमा चम्किलो ताराको रुपमा उदाएका हुन् । यिनै प्रतिभावान स्रष्टा यही मे १ र २ तारिखमा हुने सांगितीक धमाका २०१० मा आफ्नो प्रस्तुति लिएर आउदै छन् । यसै क्रममा कार्यक्रमबारे कस्तो तयारी हुदैछ भन्ने जिज्ञासा लिने क्रममा हाम्रा संवाददाता राम छन्त्यालले उहाँसँग गरेको संक्षिप्त कुराकानी ।
READ MORE...
|
|
|
|
|
|
( Results : 1 - 10 of 69 ) |
|
